Como Presidenta da Federación de Asociacións Veciñais de A Coruña e Área
Metropolitana, non podo desaproveitar a oportunidade que me brinda a renovación da
nosa páxina web para dirixirlles un afectuoso saúdo a tódalas persoas e entidades que
contribuíron e contribúen á creación e fortalecemento do movemento veciñal.
Na Federación de Asociacións Veciñais de A Coruña e Área Metropolitana atópanse representadas tódalas máis importantes Asociacións Veciñais da nosa bisbarra. Grazas a isto, ó longo da súa historia vén desenvolvendo unha importante reivindicación e promoción dos intereses e da calidade de vida dos habitantes da cidade de A Coruña e da súa área metropolitana.
Dende aquí quero agradecer, tanto ós membros da Xunta Directiva, coma ós Directivos de tódalas Asociacións que formades parte da Federación, que sodes os principias portavoces das necesidades da poboación, a colaboración e compañeirismo que amosades para poder desenvolver a labor que estamos a realizar.
Por último, animarvos a tódolos dirixentes veciñais a seguir traballando para conservar e potenciar este tecido asociativo, que nos dota de capacidade de decisión e defensa dos intereses dos nosos veciños. Con isto, contribuiremos a mellorar o noso país, sabendo que sempre vai a repercutir positivamente na
nosa convivencia e, en definitiva, nas nosas vidas.
Unha forte aperta.
María Luisa Varela Ínsua
Presidenta