Resolución aprobada na VIII Asamblea da CoGAVe para a constitución dun Consorcio de Transporte Urbano e Interurbano
|
||
5/07/2007 |
||
A Federación de Asociacións Veciñais de A Coruña e Área Metropolitana, resolveu solicitar o apoio da VIII Asamblea da CoGAVe para a seguinte actuación:
Instar á Dirección Xeral de Transportes da Xunta de Galicia para que, conxuntamente cos Concellos da bisbarra de A Coruña se constitúa un Consorcio de Transporte Urbano e Interurbano , adaptado a unha Área Metropolitana que responda as necesidades actuais dos usuarios.
Os obxectivos que pretendemos acadar son os seguintes:
- Creación dun billete único que lle facilite ós usuarios a interconexión entre liñas urbanas e interurbanas.
- Remodelación nas liñas para que o servicio sexa o axeitado, sobre todo tendo en conta a dispersión de núcleos rurais na Área Metropolitana.
- Ampliación de horarios, para posibilitarlle ós usuarios un uso máis habitual destes medios de transporte.
- Regulación de horarios e itinerarios para axeitalos as necesidades da cidadanía. Consideramos que as frecuencias ideais non deberían ser superiores á media hora.
- Instalación de marquesinas cubertas, coa información correspondente a horarios e itinerarios de cada unha das liñas.
- Instalación de carril – bus en todas aquelas zonas que o precisen, xa que a existencia das mesmas facilitaría o cumprimento dos horarios por parte dos autobuses ó non vérense implicados nas retencións circulatorias.
- Instalación en autobuses de plataformas para persoas con discapacidades físicas.
Está expresamente prohibida a redistribución e a redifusión de todo o parte dos contidos dos servicios da Federación de Asociacións Veciñais de A Coruña e Área Metropolitana,
sin previo e expreso consentimento da mesma
© 2007 Federación de Asociacións Veciñais de A Coruña e Área Metropolitana
Avenida de Glasgow, Portal 7, Local Baixo 15008 A Coruña
Tel./Fax 981171185 Fax 981175991
favacoruna@favacoruna.org